امسحى شقتك كلها من غير تعب ولا تحطى ايدك فى نقطة ميه وفى اسرع وقت

النهارده ان شاء الله نويت احكى لكم عن تجربتى فى مسح بيتى واخر حاجه وصلتلها ريحتنى جدا ومخلتنيش احمل هم المسح تانى
ويارب انتم كمان تستفيدوا
انا طول عمرى كانت تطلع عينى بعد ما اكنس الشقه ابتدى رحلة المسح جربت كل حاجه المساحه ام سفنجه من تحت بتاعة تميمه لكن للاسف احسن مكان ليها هو مسح الحمام وبس متنفعشى لشقه
جربت الشرشوبه القديمه كانت بتبهدلى الدنيا واضطر انى انضف خيوطها تحت الميه وكانت عمليه مرهقه بالنسبه لى
وجربت برده الخيشه كانت قمة التعب لانى اصلا بتعب جدا من التوطيه وخصوصا لما بكون حامل ونفس اللحكايه كنت باخد
وقت كبيييييير جدا فى تنظيف حته حته فى البيت واضطر بين كل حته اخد الخيشه انضفها تحت الميه والحوس الدنيا وكانت بتبقى ليله
كان نفسى فى اختراع حلو زى المكنسه الكهربا ومش مهم تكون غاليه شويه ايه يعنى
ما احنا المكنسه النضيفه بتوصل ل 2000 جنيه وبتريحنا كتيييييير
انا قلت احسبها بالشكل ده واريح دماغى
وكان طبعا ساعتها سمعنا عن الممسحه البخاريه اللى بييجى اعلانها فى التليفزيون وكان نفسى اجربها بس خفت اغامر وخصوصا لما عملت بحث عنها مالاقيتش حد جربها
الكل خايف يجيبها ويغامر زيىباضحك
لحد ماسمعت عن اختراع الجردل والشرشوبه الجديد اللى بتعصر مع نفسها ونازل منها كذا موديل وباسعار متفاوته
وكتير شكر فيها
قلت اتكل على الله واشتريها من التوحيد والنور
وبصراحه من قلقلى قلت مش مشكله اجيب انضف موديل واغلى نوع فيهم عشان مش اظلمها معايا واجازف واجرب
لاقيت اغلى موديل فيها الجردل البلاستيك بتاعه ماشاء الله متين والعصاره بتاعته مش بلاستيك
لا استانلس قلت الاستانلس انضف ان شاء الله مش ينكسر ولا حاجه ويستحمل اكتر من البيلاستيك وكان التصميم اللى معاه الغساله
كان تمنه 315 جنيه
طبعا الاسعار بتبدا من حوالى 95 لحد السعر ده باشكال وموديلات مختلفه
والصراحه اللهم لك الف حمد مبسوطه جداااااا بيها ربنا يباركلى فيها
كل اللى بعمله املا الجردل بالميه واحط المطهر واقوم منزله فيها الشرشوبه ابلها بالميه واحطها فى العصاره واديها عصره خفيفه وابتدى امسح واقوم اعصرها تانى بس اعصرها زياده بحيث تنشف واعيد على المكان تانى عشان يمتص اى ميه زياده وتنشف بسرعه
وطبعا الافضل انك تكنسيى قبلها
والاجملللللللللللل بجد انك مش بتضطرى توطى او تحركى الحاجه من مكانها يعنى نثلا تحت الكراسى
هى العصايه طويله وبتتنى وبتوصل لابعد مسافه تحت الكراسى وتحت الترابيزات كمان
وطبعا كللللللللل ده من غير ما احط ايدى فى الميه خالص ولا حتى اغسل الشرشوبه
بس للامانه يابنات انا محستش ان التصميم الجديد اللى فيه غساله مميز اوى
يعنى عادى انتى ممكن تستغنى عن موديل الغساله وتحطى الشرشوبه عادى وتحركيها فى الجردل بايدك بتكون زى الغساله
يعنى كمان هتوفرى فى التمن وتشتريها ارخص
ان شاء الله كل اللى نفسها تجيبها وخايفه احب اطمنها من خلال موضوعى هاتيها وماتخافيش ان شاء الله
هتريحك جدااااا وتدعيلى كمان ان شاء الله
ياريت اللى ليها تجربه معاها تدخل تحكى عشان تطمن الفتوكات بس تقول النوع اللى بتستخدمه اى موديل وسعره كان كام؟
وفى الختام سلام ومتنسوش التقييم وربنا يجعله فى ميزان حسناتى والف شكر ليكم
امسحى شقتك كلها من غير تعب ولا تحطى ايدك فى نقطة ميه وفى اسرع وقت
انا حطيت صورتها يابنات للى سالونى عن شكلها بس طبعا بتاعتى الصفايه بتاعتها استانلس يعنى دى مش بتاعتى دى تشبهلها

امسحى شقتك كلها من غير تعب ولا تحطى ايدك فى نقطة ميه وفى اسرع وقت 789012020

امسحى شقتك كلها من غير تعب ولا تحطى ايدك فى نقطة ميه وفى اسرع وقت 789012020

» بجيب خزين السنه كلها و بـ 50 جنيه بس